Baran bi ser porê te de dibare
Di nav guliyên bêhnxweş û komirî re…
Maçên germ li stûyê te çap dike
Û diherike ser sînga te ya spî wek berfê
Bi tiliyên şil û lerizandî,
Memikên te ji razanê hişyar dike,
Pê re dileyize.
Wek dîlbazekî dilbijînî.. evîndar.. û bê tirs,
Xwe berdide deşta zikê te yî mişt lale û nêrgiz…
Di navika gilover wer dibe.
Di ser sivîka lihevhatî re,
Xwe bi hez kirin dadiwerivîne nav giyayistanê,
Giyaya tî, ta bi ta avdide û dixwaze
Li wir hemdem bi cih û war bibe.
Lê ew daxwaza baranê bi pêk nayê,
Bi xemgînî ber bi jêr ve diçe
Di ser qîtên sîs re diherike,
Di ser çog û kab û çîp û gûzikan re..
Û bi tiliya dawiyê de diherike.
Li ber lingên te kelûgirî dibe
Destên xwe li ber ezmanan vedigre
Û bang dike:
Xwedêyooo
Tu bi xwedêtiya xwe dikî
Bi evîn û dilovaniya xwe…
Bi hemû bizavên xwe
Min careke din vegerîne jooooor
Xwedêyooo min vegerîne!!
Husên M. Hebeş
Şîrov
Nivisen Baldar nîne
1
0 Şirov
Şîrova yekemîn ti binîvîse.