Hêvî çi ye delala min?
Te dît ew tîşteki;gava tê ziman
Zincîr dikeve zimanê helbestvanan
Te dît ew tiştên ku di ax a xwe da kulîlkên aşîtîyê vedişêrin
Te dît ew stranên ku li du evînê tên ziman
Hêvî,efriqayî
U revên zarokên pêxwas in
yên ku ji teyran direvin.
Yan jî bersivdayîna kevirên zarokanin,
Li hember gulleyên faşîstan
Li Colemêrg, li Gever
yan jî gelê ku ruyên wan ji xwînê nayê naskirin…
Li erdnîgariya Mezopotamya
Hêvî,
Yan dayîka Şemîyê
U li deri deri li zarokên xwe digere
Li warekî ku roj lê hiltê,
Yan jî lîstika aktorekî miriyên zindiye,
di bin jopên polîsanda
Hêvî giriyên jinên Kurd,
dibe bahr u diçe silav dide Çiyayê Mazî
Hêvî çi ye evîna min?
Ma girtîbûna zimanê dayîkê nîne?
Ma ne karkerên çiyayê,
Ma ne çiyayên Zagros
Ma ne Serokê di girtîgehêdaye
Çima na bêje
çima deng ji zimanê te yê şêrîn dernakeve ?
xewn nîne hêvî?
Yan jî ew xeyalê ji bîra mirovan çûne. ?
Hêvî,
gulîyek dara zeytûnê ye
Ew guliyeke di destê mirovanda hatiye çilmisandin?
Hêvî çi ye delalê ?
şerên bafiroka zarokên bindest u firokên şer
Li ezmanên rû reş…
Bêje ?
Çima li erdê mêze dikî?
Ma qey tu fedî dikî?
Çima nabêjî ?
Ewqas zore navê wî ?
Hêstrên mirovên bêkes nîne hêvî…
Hebek zeytun nîne?
li ser sifra zarokên bênav
Yan jî qurtek ava şêlî ye
li çola Sehrayê
ma qêrîna zarokên kolanan nîne?
Li bajarê Amedê.
Ewqas zore wateya hêvî,
Ne xemilkirina bukên ku hinne li destên wan tuneye?
Yan jî rûpoşên ku li ser ruyan
dema diçe nav mirovan.
Hêvî çi ye delalê ?
dibe ku desthilatdariya televizyona dewletê be
u kirinên qehremanên gel be
bi dengekî wêrek bang dike;
‘’Bîn bîra xwe,
komkujiya Helepçê bîn bîra xwe,
A Mereşê
A Dêrsimê
yan jî kuştina dayîkên gundê Bilge bîn bîra xwe.
Di filmê polîsîye da
Hêvî,
Dibe ku gava mirov li rûyên te dinhêre,
dîtina wêneyên êşên te tê ber çav
Yan jî xêzên qermiçî yên di bin çavên te,
Yan Xemgîniya çîroka evîna MEM û ZİN’e ..
Hêvî çi ye delalê tu zanî ?
Qêrîna xwendekarên Kurd
Ew xwendekarên ku li benda înfaza xwe
Komara Îslamê di destê Îranê de,
yan jî zarokên bêrîya lîstikan kirine,
hêvî çi ye delalamin?
Dibe ku mîlada gelekî ye ku bê cîh û war maye,
li benda pîrozkirinê ye,
Hêvî çi ye tu zanî ?
Hêvî tu yî delalê
Tû ya bedew
Tû ye navê wi welat
Hêvî tu yî welatê min ê bê nav
Tû…
Beritan Erdal AYNA
Şîrov
Nivisen Baldar nîne
1
0 Şirov
Şîrova yekemîn ti binîvîse.